mardi 5 juillet 2011

Ṭṭes kan ṭṭes !, sɣur Sunya Lewnis

Caricature de Dilem Ali













Ṭṭes kan ṭṭes !


Ṭṭes ay agdud mači d nnuba-k !
Ṭṭes teǧǧeḍ syad-ik adṭṭsen am yizmawen n teẓgi !
Ṭṭes ay awtul yuɣalen d iḥiqel yessawelen i gma-s ɣer lmut !
Ṭṭes, tudert-ik ur telli si tudert n yemdanen !
Ṭṭes, tanafa-k ur tt-iteffeɣ buberrak !
Ṭṭes, tirga-k turz-itent tugdi

kecmen-tent syad-ik s rrehba ikerrfen...
Isuḍ-d ubeḥri n tlelli, ihuzz igduden d tirni,
Timḍellas ɣmant deg yigenni-k tiziri
Aɣembabu yesbur i yiṭij-ik lukfen aberkan
Tamurt-ik tḥemmel ad tsew idammen yehman
Iẓuran-ik yettfuru deg-sen reffu
Asirem-ik yewwet deg-s usyax n beṭṭu
Mi tekkreḍ ad siwlen syad-ik ad as-inin teḥrekleḍ
Mi temmuteḍ ad as-inin wid d kečč tettmeḥneḍ
D afus n yicenga i k-id-yessekren
D beṭṭu i deg-k yettayzagen
D bu ccwal ur irekkden
Nekni d Aɛraben s tineslemt
Win tt-yugin ibeddel tamurt
Tadeyyanit tbeddel tiɣri i tegmat
Tineslemt terdem tutlyt tayemmat
La sawalen s laṣel d tugdudt
Kečč si tegmat


Sunya Lewnis, furar 2011

Aucun commentaire:

Enregistrer un commentaire