Imeslayen deg waḍu n Qader Urrabiɛ, tasuqilt n Sunya Lewnis

Huile sur toile
Dilshad

Imeslayen deg waḍu

Ur ttnekkaret ara !

Aẓru-nni i s d-rejmen yinu;
Ddmet tijeǧǧigin-nni ittwaḍeqren deg ubrid.
Ur ttnekkaret ara !
Daɛwessu yinu;
Ḥuddet igujilen-nni ittwaḍeqren deg yixjiḍen iḍellsen.

Ur ttnekkaret ara !

Tiyita yinu;
Γurwat i wen-ttruḥen lewqat n tẓallit
Syaɣerda, slet i wayen d-yeqqar waḍu
Acku aḍu ur yesɛi imdukal
Yerna ur d-yettɛeggin ara.

Ayen isɛan azal d tajeǧǧigt

(i d-tenna tezlit).
Amek ihi !
Ladɣa tajeǧǧigt yettmeslayen;
Tin d-yeqqaren kra yellan.
Kra yellan.

Si tqaɛet Cuman ɣer Madu

Bruksil.
Aḍu n utaram iberren tuɣmas
Deg yiberdan n unẓul
Nettwali lḥijab yettaẓ-d akked tili n tezdayin.
Iflamunen zzin-d i wemkan.
Am di Lundun
Di Lpari
Imdanen ttaẓen d leṣfuf
Nekk d aɛeddi kan ay ɛeddaɣ,
Nnuɣnaɣ cwiṭ

Tasuqilt sɣur Sunya Lewnis