lundi 27 juin 2011

Lemmer nessin, Sɛid At Mɛemmer


Lemmer nessin

Ay usu d-yessan
Ideg ur neṭṭiṣ di sin
Kellxen-aγ wussan
Ah lemmer nessin
Ẓẓayit yeγsan
Ur nnefsusin
Ijeğğigen tura fsan
Ma d ifadden fsin

A tasumta tazeggaγt
Ixef-iw la yettru
Igenni walaγ-t
Seddaw uqerru
A ziγ asirem wwḍeγ-t
Sanda ur tferru
Usu-nni ass-a urgaγ-t
Iga am usefru

Ayen akk d-yellan
Am wakken ulac-it
Yeğğa-d iγeblan
Afud yesfecc-it
Medden yakk walan
Ul-iw tesderwec-it
Iγisi yeflan
Yelsa tacicit


Sɛid At Mɛemmer

Aucun commentaire:

Enregistrer un commentaire